Шкупи со Коки по титула

Вечерва од 20:00 часот футсал тимот на Шкупи го игра одлучувачкиот натпревар против Велес во борбата за титулата во македонското првенство. Средбата се игра во Енвер Идризи во Чаир, а на домаќините доволно им е и реми за да ја освојат својата прва историска титула. Нашата „единица“ Костадин Колев оваа сезона е дел од Шкупи и се надева дека денес сините ќе испишат историја: „Ова е историска шанса за нас! Ќе имаме домашен терен, разнишан противник, а атмосферата кај нас е на највисоко ниво. Кога ако не сега!“ кратко изјави Коки за нашиот вебсајт.