Реми по жестока борба, Бутоп е трет во МЛ!

Борба до последната секунда донесе синоќешниот (25.4.2024) натпревар меѓу Бутоп и Албајрак Тенда (6-6) кој практично ја затвори четвртата сезона во Маалската лига. И покрај тоа што се беше решено околу конечниот пласман на табелата (Албајрак прв, Лукс кафе втор, Бутоп трет) двете екипи го одиграа можеби најквалитетниот, а на моменти и тензичен натпревар сезонава. Остана мала горчина кај нашите момци затоа што бутопци имаа водство од 6-4 на четири минути до крајот кое противникот успеа да го анулира по неколкуте погрешни потези на фудбалерите на Бутоп. Сепак, овој датум ќе се памети по добро во нашата историја затоа што го освоивме пехарот предвиден за третиот најдобар тим во Маалската лига. За Бутоп вчера настапија: Смиљковски, Димитровски, Курт, Костовски, Вучевски, Чаковски, Желка и Глигоров.