Пред точно една година од Бајка објавивме бомба!

На 25.01.2019 година во ресторанот Бајка во Бутел падна финалниот договор за преминот на Костадин Димовски од Санчовци во Бутоп. Промоцијата на популарниот Немогуче предизвика многу реакции низ Скопје, па Коки индиректно уште пред да ги одигра првите минути како наш член имаше огромно позитивно влијание на ситуацијата во клубот. Веднаш по неговиот потпис следеа понуди за одигрување натпревари од многу тимови, нашите играчи се вратија во ритам и се бореа за своето место во поставата. Целата таа атмосфера ја искористивме да го кренеме Бутоп од кризата која не зафати во втората половина од 2018 год. Се надеваме дека Димовски и во иднина ќе биде тој „фактор икс“ кој ќе знае да помогне кога треба, на и вон фудбалскиот терен.