Надмоќна игра и убедлива победа

Бутоп вечерва (21.01.2020) забележа убедлив триумф над Екипа Чаир со конечни 13-4. Покажавме надмоќ од самиот почеток и создадовме многу шанси кои нашите фудбалери знаеја да ги искористат. Практично целиот тим одигра на ниво и се доби впечаток дека денес пред Бутоп можеше да падне и многу посилен противник. Во составот по подолго време ги видовме Марио Вангеловски и Дарко Николиќ, стариот напаѓачки тандем. И двајцата покажаа дека имаат уште многу што да пружат на теренот. Пријатно изненади Колев кој настапи како играч, во поле. Курт и Велковски одиграа мудро и ефикасно во двата правци, Валчанов се подобар, Грмуш одбрани речиси се што се бранеше. Се на се, убава вечер за момците во сина комбинација.