Успешно комплетирани зимските подготовки

Бутоп успешно ја комплетираше програмата на зимските (јануарски) подготовки за оваа 2018 година. Претходно веќе известивме за првите седумнаесет дена од тренинг шемата, а последниот викенд на некој начин почна во четвртокот навечер (25.01) кога одигравме една пријателска средба делејќи се во два тима во кои имаше и играчи од страна. Петокот, саботата и неделата беа искористени за малку понапорни тренинзи, а се се заврши во понеделникот (29.01) со победата над Дарко ФФМ. Вчера и денес Бутопци добија поштеда, а веќе од утре ќе се бараат противници за да се одиграат повеќе натпревари од што беше случај во изминатата полусезона. Токму квантитетот (но и квалитетот) на средбите ќе биде врвен приоритет за нашиот тим во наредниот период.