Победа за успешен старт на 2016-та!

Бутоп ја отвори новата година со победа на натпреварот против Мојсовски-Џезо. Конечниот резултат на средбата која се одигра изминатава недела во салата на Зеф Љуш Марку изнесува 5-4 за нашата екипа. Дамка на натпреварот остави повредата на еден од играчите на нашиот противник, заради која мечот мораше да заврши петнаесетина минути порано од предвиденото. Самиот натпревар беше доста брз, со отворена игра и многу шанси на двете страни. За одбележување е и камбекот на Костадин Колев на нашиот гол. За жал, тој се повреди уште истиот ден, но нешто подоцна, на друг термин. Првичните претпоставки се дека не се работи за посериозна повреда и Коки би требало да се врати во строј за неколку дена.