На половина од МЛ-С4 имаме место на подиумот

На точно половина од Сезона 4 на Маалската лига, Бутоп се наоѓа на третата позиција на табелата со две победи и три порази. Подобрата гол разлика од АММ-Тим е причината што сме едно место над нив, но блиску до нас се и Ак. Ќерим со четири, односно Алиенс со три освоени бода. Битката за титулата според досега прикажаното би требало да се води меѓу Албајрак Тенда и Лукс кафе. Повеќе од јасно е дека ако сакаме и на крајот да се најдеме меѓу трите најдобри ќе мора дополнително да го кренеме нивото на игра и да освоиме повеќе бодови во возвратните дуели со нашите противници. Вториот дел од оваа сезона почнува веќе в четврток кога играме против Лукс кафе. Во првото коло загубивме 6-3, па ова е шанса да се реваншираме за тој пораз. Кај индивидуалната статистика вреди да се спомне Вангеловски кој со девет погодоци е трет на листата на стрелците и може да се вмеша во борбата за признанието најдобар стрелец кое веќе еднаш го освои во премиерното издание на Маалската лига во есента 2022 година.