Со тимска игра прекината негативната низа порази

Фудбалерите на Бутоп вчеравечер (14.03.2024) не дозволија израмнување на негативниот рекорд од шест порази по ред и го победија тимот на Ак. Ќерим во натпреварот од третото коло на МЛ. Конечниот резултат 6-4 дури и не ги отсликува случувањата на теренот затоа што нашите момци имаа резултатска контрола и комотна предност до самиот крај. Водството од 6-1 се стопи во последните две-три минути, но секако победата не беше доведена во прашање. За Бутоп настапија Каравидов (почна на голот, а потоа играчите се ротираа на таа позиција), Волчевски, Вучевски, Вангеловски, Димитровски и Чаковски.