Драматичен финиш со среќен крај за ЗОО Арт

Екипите на ЗОО Арт и Бутоп вчеравечер одиграа драматичен натпревар во кој домаќинот на крајот се радуваше на голот за победа во последната минута и конечен резултат 4-3. Анел ја отвори средбата со гол и наше водство, но следеше пресврт. ЗОО Арт ја презеде предноста (3-1), но Бутоп не се предаде и во последните десетина минути силно притисна. Андреј и Анел донесоа израмнување на две минути до крајот и кога тргнавме на се или ништо, дојде казната од контра за несреќен пораз во ова дерби. За Бутоп настапија: Костовски (на голот), Курт, Ан.Вукељ, Димитровски, Велковски, Вангеловски и Смиљковски. Во останатите средби од четвртото коло, Белиот мачор во битката за врвот беше поуспешен од Лукс кафе со 10-5, а Радишани подобар од Алиенс со 5-4.