Убедлива победа со помош на момците на проба

Бутоп синоќа (24.03.2019) славеше убедливо, 11-5, против Екипа Чаир. Во недостиг на голем дел од стандардните првотимци одлучивме да им дадеме шанса на четворица играчи кои дебитираа за нашиот тим. Токму тие го диктираа темпото и го трасираа патот до вчерашниот триумф. Девин Курт, помладиот брат на Анел, беше еден од новајлиите, а воедно и врската со останатите: Ријад, Ридван Бектеши и Фатјон Ибраими (со голманска кариера во првата косовска лига). Настапија и Анел Курт, Велковски и Костовски. Средбата се одигра во балонот кај Зеф Љуш Марку, од 21:00 часот.