Анел го предводеше пресвртот за победа

Бутоп вчера (17.02.2019) дојде до победа од 10-9 над Екипа Чаир во тесен натпревар со многу пресврти. И двата тима имаа свои моменти и ја менуваа предноста во неколку наврати. Сепак, последниот пресврт беше во режија на Анел. При негатива од 8-6 на околу пет-шест минути до крајот, на сцена стапи левоногиот бомбардер и ги постигна клучните голови во серијата од 4-0. На чаирчани не им остана многу време за одговор. Треба да го одбележиме и камбекот на Јеткин кој се претстави во супер издание и беше меѓу подобрите на теренот. И останатите играчи на Бутоп (истите што ги најавивме вчера) одиграа на ниво и според договореното. Натпреварот се одигра во салата на Зеф Љуш Марку од 20:00 часот.