Кире влезе во историјата повторувајќи го подвигот на Анел

Потребен беше подетален преглед на историските книги на Бутоп да се дојде до податокот за тоа кој успеал да стрела четири пати на еден турнирски натпревар за нашиот тим. Како што е веќе познато, Кирил Смиљковски постигна четири погодоци во вториот дел на трилер-четвртфиналето против Гоце 2000 минатата недела во Добри Дол. Ова негово феноменално издание донесе неизвесност во финишот, а за малку и конечен пресврт. Пред Кире, вакво нешто му успеало само на уште еден наш играч, Анел Курт, и тоа на нашиот прв натпревар на турнирите воопшто, во сега веќе далечната 2008 година, на 20 септември. Тој ден на турнирот во Железара во победата против Турци ЈБТ од 7-1 Анел ја испиша историјата стрелајќи четири пати, а освен него два гола даде Каравидов, а еден Костовски. Играа и Фекиќ, Димитровски и Лазароски. Нареден предизвик за Бутопци е некој да комплетира петарда во противничката мрежа на некој турнир.