March, 2021

Понеделничкиот натпревар со Бутел (Илхан) ќе му остане во долго сеќавање на Кристијан Велковски, кој влезе во елитното друштво со 100 и повеќе настапи за Бутоп. Тој е седмиот играч со вакво постигнување по Костовски, Смиљковски, Каравидов, Курт, Димитровски и Фекиќ. Кико изминативе сезони стана неизоставен дел од нашиот тим и го заслужи ова признание. Пред почетокот на мечот Велковски доби подарок маичка „клуб 100“. Во скоро време очекуваме тука да му се приклучат и Костадин Колев (99 настапи) и Јеткин Сезаир (98 настапи). Честито Кико!

Денес (02.03.2021) Јеткин Сезаир го слави својот 28. роденден. Јеткин е двократен освојувач на златната копачка од 2010 и 2011 година, а досега запиша 98 настапи за Бутоп. Полека но сигурно се враќа во препознатливата форма и најавува нови блескави партии во синиот дрес. Му посакуваме се најубаво на приватен и професионален план.

Среќен роденден Јеткин!   

Вчеравечер (01.03.2021) нашите момци загубија од Бутел (Илхан Р) со 8-7. За овој тесен пораз се изборивме во последните десетина минути, а претходно противникот дојде до максимални 8-2. Почетокот на средбата донесе тврда и израмнета игра на две расположени екипи. Нашиот ривал знаеше како да ги искористи шансите за разлика од нас, па може да се каже дека оние +6 и не беа реален приказ на настаните на теренот.

Кај нас во последен момент во комбинација влезе Баркли, кој застана на голот, а настапија и Курт, Смиљковски, Валчанов, Николиќ, Велковски и Сезаир. Натпреварот се одигра во Арена Чикаго во населба Серава со почеток од 19:00 часот. Во прилог следи фотографија. Важен момент е тоа што Кристијан Велковски го одигра стотиот натпревар за Бутоп. За ова повеќе ќе напишеме утре.

Арбен Ејуп денес наполни 29 години. Темпераментниот голман запиша 30 настапи во нашиот дрес, а беше голман на сезоната 2011/2012. Му посакуваме се најубаво.

Среќен роденден Бени!

Бутоп вечерва (19:00, балон во населба Серава) ќе истрча на терен против старите познаници Бутел (Илхан Р) со следниов состав: Курт, Смиљковски, Валчанов, Николиќ, Велковски и Сезаир. Во опција е и Матеј, кој можеби ќе дебитира на голот.