March, 2018

На денешен ден, 26 март, 1993. година во Скопје, е роден Кирил Ѓорѓиев Грмуш. Тој е член на Бутоп уште од воведната сезона 2007-2008, а својот деветнаесетти настап за нашиот клуб го запиша минатиот месец во триумфот над Дарко ФФМ. Освен по своите настапи, Грмуш е важен и по административната и логистичка поддршка што ја пружа за развојот на Бутоп.

Му посакуваме се најдобро. Среќен роденден Грмуш!!!

Бутоп вчера ремизираше со Криминалисти (8-8) во натпревар полн со тензии и на работ на прекин. Најважното се случуваше во последните десетина минути кога по негативата од 7-3 Бутоп фрли се’ на една карта и се обиде со висок пресинг да се спаси од пораз. Криминалистите не се снајдоа најдобро и нивната предност полека се стопи. Во тие моменти зовреа страстите на теренот, а највоинствени беа Штаката и Каро од кај нас и Диме Спортлајф и голманот од редовите на нашиот ривал. По мало натегање средбата продолжи, но последните две-три минути никој не ги искористи да дојде до целиот плен. А се’ почна „бавно“, поведовме рано без некоја посебна игра, противникот го сврте резултатот по пет-шест минути. Бутопци не успеваа да ја воспостават контролата и (не)очекувано нашиот тим дојде до споменатата негатива од четири гола (7-3). Натпреварот се одигра во балонот Рајко Жинзифов со почеток во 18:00 часот. По подолго време во нашиот тим се вратија Кирил Смиљковски и Кристијан Велковски, а настапија и Костовски, Каравидов, Вангеловски и Цамба.

Бутоп попладнево (18:00) ќе се сретне со тимот на Криминалисти и ќе се обиде да се реваншира за неодамнешниот пораз од оваа екипа. За нас ќе настапат: Костовски, К. Смиљковски, Каравидов, Велковски, Вангеловски и Сашо Наумоски Цамба. Натпреварот ќе се одигра во балонот кај ОУ Рајко Жинзифов (спроти Принц) во Топанско поле.

Денес, 16 март, Бенјамин Фекиќ го слави својот роденден. Некогашниот капитен во младинските тимови на Металург 21 пат го носеше и дресот на Бутоп и беше во нашиот состав на неколку турнири.

Му посакуваме се најдобро на приватен и професионален план. Среќен роденден Бено!!!

Србија, Косово, САД и Македонија се држави и територии кои делат (пре)многу заеднички нешта, вредности и интереси. Еве уште нешто, веројатно помалку познато на јавноста, а поврзано со ФК Бутоп

Последниот натпревар на Бутоп против Криминалисти (11.03.2018) и настапот на Илчо од Америка се добар повод да се потсетиме на интернационалците кои заиграле за нашиот клуб.

Мразот го скрши гордоста на Нови Пазар, Дадо, кој како играч од Србија настапи за Бутоп на 16 август 2010 г. во победата од 6-5 над Бутел село. Таа вечер на теренчето кај Полицијата покрај Дадо настапија и Х. Фекиќ, Б. Фекиќ, Костовски, Колашинац и Смиљковски.

Три години подоцна, на 15 април 2013 г. за нас заигра и интернационалецот од Косово, Љутви. Тој во поразот од 8-6 против тимот на Гази Баба, во балонот Васил Главинов во Топанско, настапи заедно со Курт, Костовски, Смиљковски, Каравидов и Асани. Тој натпревар беше и јубилеен, двестоти за нашиот клуб.

И конечно, 11 март 2018 г. Бутоп – Криминалисти, 4-7. Во балонот кај средното Цветан Димов во Чаир, за првпат синиот дрес на Бутоп го облече фудбалер од американскиот континент, интернационалецот од САД, Илија Васев. На популарниот Илчо од Вашингтон друштво во неговото деби му правеа Колев, М. Смиљковски, Костовски, Каравидов и Вангеловски.

Тимот на Криминалисти вчеравечер и стави крај на серијата од четири победи на Бутоп. Во натпревар не многу квалитетен, но израмнет, нашиот противник беше тој што ги искористи своите шанси и ја казни речиси секоја наша грешка. Ние почнавме лошо и бевме во негатива од самиот почеток (1-0, 2-1). Иако воспоставивме рамнотежа кон средината на средбата, откако Криминалисти поведоа со 5-4, а ние пропуштивме една-две стопроцентни шанси за израмнување, тие буквално не „убија“ со своите контри и го поставија конечниот резултат 7-4. За Бутоп настапија најавените Колев, М. Смиљковски, Костовски, Каравидов и Вангеловски, а по подолго време за нас настапи и еден интернационалец, своето деби во нашиот дрес го имаше Илчо од Соединетите Американски Држави. Вчерашниот натпревар се одигра со почеток во 22:00 часот во балонот кај СУГС Цветан Димов, во Чаир.

Вечерва Бутоп ќе игра против тимот на Криминалисти. Натпреварот ќе започне во 22:00 часот и ќе се одигра во балонот кај средното училиште Цветан Димов во Чаир. За нас ќе настапат: Колев; М. Смиљковски; Костовски; Каравидов; Вангеловски; и Никола.

ФК Бутоп на сите жени во Република Македонија им го честита денешниот празник, денот на жената, 8 Март!

Денешниов датум, 6 март, секогаш бил среќен за нашиот тим. Досега три пати сме играле на овој ден и во трите наврати имаме забележано убедливи победи.

Во 2012-тата во балонот кај Васил Главинов поразен е тимот на Шутка со 11-5. Состав: Колев, Димитровски, Фекиќ, Костовски, Смиљковски, Сезаир, (+ Каравидов, Курт).

Во 2014-тата во Антон Димитров декласирани се Бутел (Давор-Жора) со 16-6. Состав: Колев, Курт, Димитровски, Костовски, Смиљковски, Каравидов, (+Велковски).

Во 2016-тата во балонот кај ОУ Пенко победа над Албион Север со 6-3. Состав: Дончоски, Курт, Димитровски, К. Смиљковски, М. Смиљковски, Костовски.

Пред точно 25 години, на 02.03.1993 година, во Скопје, е роден Јеткин Сезаир. Јеткин е еден од легендарните играчи на Бутоп, познат по својот неповторлив дриблинг и општо, напаѓачките квалитети. Досега запиша 92 настапи за нашиот тим и се надева дека во скоро време конечно ќе влезе во клубот 100. Му посакуваме многу среќа и успеси.

Среќен роденден Јеткин!!!