June, 2020

Денес (21 јуни) својот роденден го прославува Кристијан Велковски. Познат по префинетата техника, во два наврати ја освојуваше златната копачка на Бутоп (2015 и 2018). Кико со посебно нетрпение чека да се вратиме во натпреварувачки ритам затоа што му фалат уште два настапи за влез во клубот 100.

Му посакуваме се најдобро на приватен и на професионален план. Среќен роденден Кико!

Се ближи (календарскиот) крај на сезоната 2019/2020, сезона која во фудбалскиот свет ќе остане запаметена како различна од сите други на кои се сеќаваме, а сето тоа поради пандемијата на коронавирусот. Секако дека и ФК Бутоп се најде во непозната ситуација и нашите фудбалери се обидуваа на секаков начин да излезат на крај со сите проблеми. За проблемите, предизвиците и други актуелности поразговаравме со Костадин Колев:

• Коки, што има ново? Спремен ли си за едно онлајн интервју?
• Може, секако. Ние (Арбен Бајрами) влеговме во прва лига. Ајде да се слушнеме за десет минути за повеќе детали. Ќе ти ѕвонам.

подоцна

• Ме слушаш?
• Да да!
• Е па ајде Коко. Кажувај за Арбен Бајрами, кога веќе ја начна таа тема…
• Главно е што влеговме во прва лига за наредната сезона. Сезоната беше прекината, а ние водевме на табелата. Федерацијата донесе административна одлука, па ние од есен здравје играме во прва лига.
• Имавте ли тренинзи периодов?
• Не, не. Ниту тренинзи, ниту било какви активности со клубот.
• А ти? Беше ли активен, термини барем?
• Не не, Даре. Апсолутно ништо. Мислам дека последниот термин го одиграв некаде 12, 13 март…
• Низ Бутел?
• Па играме серва. Ете тоа можам да кажам. Ја вративме старата добра серва. Јас индивидуално си работев, во смисла на кардио тренинзи, трчање, вежби и така. Колку да не (про)паднам кондициски.
• Каква е атмосферата меѓу бутелчани?
• Види, го победивме полицискиот час, ќе го победиме и вирусот. Во едно сум сигурен: Не се предаваме!
• Верувам со истиот дух се и останатите наши играчи?
• Нормално. Еве, да те поздравам со една фотка…

• Костадине, знаеш дека котата 14 е наш приоритет…
• Да да! Ама кој се надеваше на ваков развој на настаните. Ќе гледаме ако е возможно да организираме барем еден натпревар. А и знам дека јас и Велковски сме со по 98 настапи, ја чекав „стотката“.
• Штета. Веќе бевме организирале речиси се. Но, тоа е тоа. Значи, во случај да се создадат минимални услови, може да сметаме на тебе за организирање на тој (барем еден) натпревар?
• Секако дека да! Секогаш сум на располагање! Сметајте на мене.
• Нешто за крај?
• Поздрав до сите! Се надевам се гледаме во брзо време.

Анел Курт денес (10.06) го слави својот 28 роденден. Слободно ќе кажеме дека тој е легенда на ФК Бутоп, играч кој е синоним за нашиот клуб и без кого тешко може да се замисли поставата. Познат по својата разорна левица. Му посакуваме се најубаво на приватен и професионален план.

Среќен роденден Анел!

Известување за нашите членови и фанови, но и за пошироката јавност:

Почитувани,

Огромно е задоволството да ве известам за уште една голема победа што Бутоп ја извојува надвор од фудбалските терени. Имено, од 4 јуни 2020г. имаме нови домејн (domain) и хостинг (hosting), кои отсега се во наша сопственост. Новата адреса на која може да пристапите до нашата страница е: butop.info

http://butop.info/

 Оваа промена подразбира поголема меморија и стабилност на веб-страницата, но и нови можности за подобрување на дизајнот. Сите досегашни објави се пренесени и зачувани на новата адреса и се безбедни (сега се наши). Правата ги откупивме за до 4 јули 2021 година. Во план ни е тековно да ја доизградиме и модернизираме страната и да воведеме некои новитети. За се ова секако е заслужен администраторот Андреј Димитровски, кој е одговорен за оваа сфера. Ако нешто не пренесов добро, или е нејасно, тој секако може подобро да ви објасни.

Ова беше првиот и најважен чекор и заокружување на проектот „Бутоп domain“, кој беше еден од приоритетите за оваа календарска година. Развојот на butop.info треба допрва да почне. Идеи има многу, очекуваме и ваши нови, а секако ќе биде потребна помош од нас како играчи и членови за новите проекти поврзани со нашата онлајн промоција.

Ви ги пренесувам поздравите од Андреј кој е во Бугарија, се надоврзувам јас од Србија, се надевам не прати Фекиќ од Германија, до сите вас во Македонија. Со надеж дека скоро ќе се собереме во нашата база и ќе одржиме состанок.

Спортски поздрав,

Дарко К.

Петтиот месец од годината е еден од најплодните за Бутоп во поглед на одиграни натпревари. За жал, ова е првата сезона во која не одигравме ниту еден натпревар во месец мај. Причината е добро позната. Останува наш врвен приоритет ова да не биде и првата сезона во која нема да ја исполниме котата 14. Да видиме каква е нашата статистика во месецот косар: Вкупно сме одиграле 39 средби. Иако скорот ни е позитивен, 20 победи, 4 нерешени и 15 порази, процентуално имаме и подобри периоди од годината. Гол разликата е истотака позитивна, но не толку изразена, како во некои други месеци, 190-182. Дека се ни оди кон егал во мај покажува и податокот за најубедливите победи и порази. Три пати сме победувале со +6, 12-6, 12-6 и 11-5; а два пати сме губеле со -7, 3-10 во двата наврати. За натпреварот број 40 ќе почекаме до 2021г.

мај 2012, турнир Еурофанс