Побожје следен противник

Утре (30.05.2025) на турнирот во Добри дол Бутоп се среќава со тимот на Побожје во натпревар чијшто почеток е закажан за во 21:15 часот. Ова ќе биде трето соочување на овие две екипи, а прво по дури четиринаесет години. Скорот е изедначен со по една победа. На 8 јули 2009-та бутопци славеа со 4-3 на средбата одиграна во Кучевиште, а две години подоцна, на 2 септември 2011-та Побожје победи во Љубанци. Утрешниот натпревар против фаворизираниот противник за нашите момци носи императив победа ако сакаме да ги задржиме шансите за пласман во четвртфиналето.