September, 2017

На денешен ден, пред точно десет години (15.09.2007) почна приказната на Бутоп. А еве што велат бројките, во најкратка можна верзија: 10 години, 310 натпревари (179 победи, 27 нерешени, 104 порази), 3083 голови (1729 постигнати, 1354 примени), 1 трофеј.

Вечерва околу 19:00 часот на некој од отворените терени во населба Аеродром (кај хотел Русија) ќе се одржи своевиден натпревар-спектакл во чест на десеттиот роденден на нашиот тим. Сите наши членови се поканети, а за повеќе информации и за превоз до местото на настанот, ѕвонете по телефони.

Поради неможноста во едно известување да се вклучи премногу од обемната статистика, повеќе за досегашниот опус на Бутоп ќе читате на нашиот вебсајт во наредниов период.

Во меѓувреме, потсетување на дел од минатото преку фотографии…

Бутоп на сите граѓани на Република Македонија им го честита денешниот празник 8 Септември, денот на независноста.

За многу години!

На денешен ден, 8 септември 1992 година во Скопје е роден Кирил Смиљковски. Кире е еден од основачите на Бутоп, негова икона и легенда. Секогаш го дава најдоброто од себе, а истото го бара и од соиграчите, за него не е доволно само да се победи, туку да се победи со стил. Досега запиша 251 настап за нашиот тим.

Среќен роденден Кире!!!

Изминатиов период од речиси месец дена поголемиот дел од фудбалерите на Бутоп своите обврски ги исполнуваат преку индивидуални тренинзи за одржување и кревање на физичката подготвеност. Во наредниве недели очекуваме нашиот тим да се врати на терените посилен од кога и да е.

Во меѓувреме Кирил Смиљковски на турнирот во своето Љубанци ја предводи тројката наши членови (покрај него се и Мето и Б. Фекиќ) кои се дел од неговиот тим, со кој се пласираа во четвртфиналето. Нивниот поход продолжува вечерва од 21:30 часот со четвртфиналниот натпревар. Ги повикуваме сите наши членови и фанови доколку се во можност да им дадат поддршка на Кире и друштвото.