December, 2020

Годинава ја завршуваме со осврт на есенската полусезона 2020-2021, сезона број 14 за ФК Бутоп. Календарскава година донесе досега невидени предизвици за нас, но и за човештвото во целина. Откако 2019 г. ја прогласивме за година на консолидација и очекувавме дополнителен напредок во 2020, се случи пандемијата на коронавирусот и се понатаму е јасно.

Есенва успеавме да спасиме колку можеше да се спаси, па во краток период од 15 дена (23.09-07.10) одигравме 4 натпревари. Следеше повторно влошување на епидемиолошката слика и тоа беше крај на натпреварувачкиот дел за годинава. Остваривме една, тесна победа против Дарко ФФМ (9-8), а три пати бевме поразени од Бутел (Илхан Р), со резултати 2-7, 3-9 и 3-5. Сите средби ги игравме на различни терени, во балоните кај ОУ Пенко, ОУ Блаже Конески, СУГС Цветан Димов и СУГС Зеф Љуш Марку.

Настапија вкупно 16 играчи: Анел Курт, Кристијан Каравидов, Димитар Колев, Ристе Валчанов, Павле Шилегов, Никола Анастасовски, Јеткин Сезаир, Костадин Колев, Енис Реџеп, Марко Костовски, Марио Антиќ, Кирил Смиљковски, Марко Стојчевски, Методиј Смиљковски, Дарис и Марио Вангеловски.

Добро работевме во делот на развој на интернет страницата, Николиќ успешно се оперираше од кила, Додовски стана дел од тимот, Марио се вереше, Андреј го скрши мразот и стана татко. При крајот на годината ги добивме и новите дресови кои фудбалерите се уште чекаат да ги „сефтосаат“. Се надеваме во брзо време.

Долгата и непланирана пауза не натера зимските подготовки да ги започнеме најрано во историјата. Првиот собир е закажан за в сабота, 2 јануари 2021, во 14:00 часот, на старото теренче за мал фудбал во дворот на ОУ Живко Брајковски, нашата стандардна база. Новата година ја почнуваме фудбалски, со надеж за успешна рехабилитација од мачната година зад нас и многу победи на терен, но и надвор од терените.

Со почит,

Дарко К.

Се потсетуваме уште еднаш на „мајсторката“ со Примавера од пред седум години (26.12.2013). Фотографијата објавена вчера претходи на снимката што сега ја објавуваме. Тој ден камерата на Адем Маровци го направи првиот видеозапис на гол на Бутоп, дело на Андреј Димитровски. Се надеваме дека во периодот што следи ќе објавиме повеќе снимки, останува да решиме некои техникалии и видеата да бидат поставени на јутјуб канал. Во моментов можеме да споделиме пократки видеа, како следново.  

http://butop.info/wp-content/uploads/2020/12/SDC10008.avi

Овој боксинг-деј поминува без публика на фудбалските терени на Островот, каде традиционално се одигрува празнично коло во сите рангови на англискиот фудбал. И Бутоп секако си има своја традиција на овој ден, а тоа е… да победува! Досега имаме стоотстотен ефект со три победи на три средби, но ова е четврта година по ред што нема да имаме натпревар на 26 декември. Последен пат во 2016 бевме подобри од Примавера со 11-8, а фотографијата подолу е од денешен ден 2013 г. кога истотака славевме против Примавера со конечен резултат 6-4.

Пред точно пет години на денешен ден (17.12.2015), Елиф Елмас го имаше своето прво интервју во кариерата. Нормално, за кого ако не за веб-страницата на ФК Бутоп. Се потсетуваме на оваа наша ексклузива:

Денес (03.12) својот роденден го прославува Марио Вангеловски. Марио во изминатите неколку сезони беше клучна алка во нашиот напад, а го понесе епитетот најдобар стрелец во сезоната 2016/2017. Отсега ќе носи нов број на својот син дрес, 40.

Му посакуваме се најдобро. Среќен роденден Марио!