Момците на Илхан пресилни, сезоната отворена со пораз

Бутоп со пораз ја отвори новата сезона откако вчеравечер тимот на Бутел Илхан Р беше поуспешен со конечни 13-10, за седма по ред победа во меѓусебните дуели. Противникот почна силно и набрзина поведе со 3-0, но следеше одговор од бутопци кои со пресврт дојдоа до водство од 4-3. Сепак, тимот предводен од расположениот Илхан Алити направи серија од 5-0 со што го реши прашањето за победникот па до крајот единствено ни остана да се бориме за прифатлив пораз. За Бутоп настапија Курт, Костовски, Велковски, Волчевски, Чаковски, Зука и Видиниќ, додека за нашиот ривал играше и Енис Реџеп кој беше наш најдобар стрелец во сезоната 2019/2020.