Нашиот криптонит, наш прв противник

Бутоп вечерва (21:00 часот) ја започнува својата 18. сезона со најнезгодниот противник, тимот на Бутел Илхан Р. Со момците на Илхан се сретнавме и во првиот натпревар во календарската 2024 година, кога по голема драма загубивме 8-7 остварувајќи го шестиот последователен пораз од овој тим во последните четири сезони. Вкупниот скор на единаесетте меѓусебни средби е четири победи за Бутоп, а седум победи за Бутел Илхан Р. Вечерашниот натпревар се игра во балонот кај ОУ Рајко Жинзифов во Топанско поле.