Историски дебакл на Бутоп

Само еден збор може најдобро да го опише она што можеше да се види на вчерашниот (06.03.2025) дуел меѓу Бутоп и Шкупи старс во рамките на второто коло на Маалската лига: дебакл. Во сезоната и годината кога нашиот клуб го слави своето полнолетство, бутопци некако успеваат да ги рушат негативните рекорди и да одат од лошо кон полошо. Вчерашниот пораз од 2-11 е израмнување на највисокиот пораз во нашата историја. Претходно само уште еднаш сме изгубиле со девет разлика, на 06.11.2012 со конечни 5-14 во натпреварот против Гази Баба.