Домашниот терен во ново руво

Изминатиов период траеше реконструкцијата на теренчето за мал фудбал во дворот на ОУ Живко Брајковски во Бутел 1. Најпрво беше поставена вештачка трева и нова ограда околу игралиштето, а од пред неколку дена и нови голови со мрежи. Со тоа, нашата населба добива прекрасно место на кое младите таленти ќе можат да ги покажат своите вештини и да поминуваат многу повеќе време играјќи фудбал. Ова е добра вест и за Бутоп кој сега ќе има опција да игра натпревари на својот матичен домашен терен, или поточно на стотина метри од старото игралиште каде ја одигравме првата средба во далечната 2007 година.