Лукс кафе е петтиот шампион на МЛ

Иако поминаа повеќе од две недели од последното коло на петтото издание на Маалската лига, се уште трае сумирањето на статистиката и остварувањата на екипите. За Бутоп ова беше најлошата сезона досега, без ниту една победа и со само еден освоен бод, но за други беше и тоа како успешна. Нашиот голем ривал Лукс кафе конечно успеа да ја освои шампионската титула откако претходно во сите четири сезони беше во најтесна конкуренција, но не успеваше да дојде до врвот. На тој начин тие станаа петтиот различен освојувач во петте сезони Маалска лига наследувајќи ги Радишани, Љуботенски пат, Дрим тим и Албајрак Тенда.