Претставени пехарите за најдобрите

Маалската лига на својата официјална фејсбук страница ги претстави пехарите наменети за трите најдобри екипи. На две кола до крајот јасно е дека шампионот ќе се одлучува меѓу тимовите на Радишани и Лукс кафе, а ЗОО Арт и Белиот мачор ќе се борат за последното место на подиумот. Бутоп во оваа прва сезона не успеа да одигра важна улога во борбата за врвот, но последните неколку натпревари покажаа дека формата оди во нагорна линија и дека бутопци ќе има што да покажат во периодот што следи.